अर्जुन शाही जाजरकोट
जाजरकोट ।जाजरकोटमा आजदेखि परम्परागत लाखे नाच सुरु भएको छ। वर्षौंदेखि धार्मिक, सांस्कृतिक र परम्परागत रूपमा निरन्तर चल्दै आएको लाखे नाच यस वर्ष पनि विशेष उत्साहका साथ सुरु गरिएको हो।
स्थानीय समुदायको सक्रिय सहभागिता, युवाहरूको उत्साह र बृद्धबृद्धाको आशीर्वादका साथ सुरु भएको छ लाखे नाचले यहाँको मौलिक सांस्कृतिक पहिचान झल्काउने गर्दछ यस नाचको उद्देश्य समाजमा शान्ति, र नकारात्मक शक्तिहरूको नाश गर्नु रहेको जनविश्वास रहेको छ ।
स्थानिय संस्कृतिकर्मीहरूका अनुसार लाखे नाच प्रत्येक वर्षको यो समयमा सुरु हुने परम्परा देखि चल्दै आएको छ, जसमा युवाहरूले लाखेको मुखुण्डो र विशेष पहिरनमा नाच प्रस्तुत गर्ने गर्दछन्।
साथै, स्थानीय बासिन्दाहरूले यो नाचलाई सांस्कृतिक गर्वको रूपमा लिने गरेका छन् लाखे नाचलाई संरक्षण र प्रवर्द्धन गर्न आवश्यक सहयोगको माग पनि स्थानीयवासीहरूले गरेका छन्।
