अर्जुन शाही जाजरकाेट
छोडेर गयौ आज म बदनाम भएपछी।
पागलसरी तड्पिएर तथानाम भएपछी।।
के हेर्थ्यौ र फर्की पुरानो यो मायालाई,
बरसङ्गै धन दौलत र दाम भएपछि।।
समयले कहाँ पुर्यायो, चोटै(चोटको खातमाथि छु
तिलाञ्जली भए खुसीहरू,दिन नहुने रातमाथि छु
वा(वा र तालि हुन्छ यहाँ, भावनासँग खेल्नेलाई ,
जीवनलाई दागबत्ती दिन,आज आफ्नै हातमाथि छु।
आउन मेरो रानी भन्दै, फुर्क्याउनु पो मजा रैछ !
कान्छी ल्याइदिउँ क्याहो भन्दै घुर्क्याउनु पो मजा रैछ !
चाहे रिसाउ, चाहे तर्क छोड्दिन म तिमिलाइ
रिसै रिसमा चोली तुना सुर्क्याउनु पो मजा रैछ !!
रगत र पसिना अनुसारको दाम मिल्दैन
रोजे र खोजे जस्तो कहिल्यै काम मिल्दैन
स्वदेशमा रोजगार नहुँदा हामी युवाहरुलाई,
राम्रो काम गरे पनि विदेशमा इनाम मिल्दैन ।
