चार वर्षसम्म पनि पुल निर्माण नहुँदा यहाँका नागरिक तथा यातायातका साधन बर्खायाममा रोकिने र हिउँदको समयमा त्यही खोलाबाट कोल्टी जाने गरेको स्थानीय नरबहादुर विकले जानकारी दिए । उहाँका अनुसार बडीमालिका नगरपालिका लगायत पूर्वी उत्तरी क्षेत्रका चार वटा स्थानीय पालिका जोड्ने मुख्य पुल निर्माणको चार वर्ष पुग्यो तर पुल भने निमार्ण नभएकाे ।विकले भनेका छन पुल निर्माण गर्नका लागि रड बिछ्याइएका थिए । अहिले ती रडसमेत खोलाले पुरिसकेको छ । ठेकेदारको लापर्बाहीका कारण राज्यको लगानी खेर गएको छ ।”  

प्रमुख देवकोटाले भनेका छन अहिलेको ठेक्का कम्पनी खारेज गर्ने हो भने धेरै समय लाग्ने भएका कारण टिडिआर जुगल कौशिक जेभीलाई नै काम गर्ने गरेर जिम्मेवारी दिइएको हो ।” बाजुराका प्रमुख जिल्ला अधिकारी मेघनाथ पाध्याका अनुसार अहिले बाजुराका सबै निर्माणाधीन पुलका ठेकेदार कम्पनीको खोजी भइरहेको छ । काम गरिरहेका निर्माण कम्पनीलाई छिटो काम गर्न र सम्पर्कविहीन रहेकालाई कालो सूचीमा राखेर कारबाही गर्ने प्रक्रिया अगाडि बढाउने उनले जानकारी दिए