जाजरकोटमा बोलेरो दुर्घटना हुँदा ५ जनाको घटनास्थलमै मृत्यु

जाजरकोट जिल्ला नलगाड नगरपालिकाको कालिमाटीबाट करुवा जाँदै गरेको ग ३ च ९४४५ नम्बरको बोलेरो नलगाड नगरपालिका ३ बास्कोटी नजिकै दुर्घटना हुँदा ५ जनाको घटनास्थलमै मृत्यु भएको छ । हिजो राती करिब ९;३० बजे बोलेरो दुर्घटना हुँदा नलगाड नगरपालिका ३ का ३२ बर्षिय चालक ईन्द्रजित थापा, ६५ बर्षिय शिला पुन, ३३ बर्षिय शारद  थापा, १८ बर्षिय लक्ष्मी पुन रोका र उनका नाबालक छोरा आलोचना रोकाको घटनास्थलमै मृत्यु भएको जिल्ला प्रहरी कार्यलय जाजरकोटले जनाएको छ भने घाईते मध्य एकजनाको उपचार भैरहेको र एकजना डिस्चार्ज भैसकेका छन् ।